Ақпараттандыру және білім сапасын бағалаудың әдістемелік орталығы «Net Info Distribution» компаниясымен бірлесіп 2023 жылғы 22 ақпанда білім беру ұйымдарында мектепте тамақтандыруды жүргізуді автоматтандыру үшін «Күнделік» ЖШС компаниясының қолдауымен әзірленген «MektepMenu» сервисі бойынша онлайн-вебинар өткізді.
Вебинар шеңберінде білім беру органдары мен ұйымдары пайдаланатын электрондық білім беру ресурстары мен жүйелерінде ҚР БҒМ 2018 жылғы 31 қазандағы № 598 бұйрығымен бекітілген тамақтандыруды ұйымдастыру қағидаларына сәйкес білім алушылардың тамақтануын ұйымдастыру бойынша ақпаратты орналастыру туралы «MektepMenu» сервисінің демонстрациясы және түсіндіру өткізілді.
Вебинарға тамақтану мәселелеріне жетекшілік ететін білім бөлімдерінің мамандары, жалпы білім беретін мектептердің директорлары, әлеуметтік педагогтар және аудандық / мектеп үйлестірушілері қатысты.
