WorldSkills Kazakhstan 2024 кәсіби шеберлік бойынша IX Республикалық чемпионатында Қостанай облысы әкімдігі білім басқармасының Қостанай қаласының білім бөлімінің “Физика-математикалық лицейі” КММ-нің 11-сынып оқушысы Пролыгина Сабрина “Инженерлік графика CAD” құзыреттілігі бойынша II орынды иеленді.
Сабрина Қазақстанның барлық өңірлерінен келген колледждердің өкілдері болған 19 қатысушының ішінен жалғыз мектеп оқушысы ретінде өнер көрсетті. Оның табандылығы мен кәсібилігі тәжірибелі қарсыластармен бәсекеде осындай жоғары нәтижеге қол жеткізуге мүмкіндік берді.
Аталған құзыреттіліктің тапсырмалары үш модульді қамтыды:
1️⃣ Жиналым бөлшектерін қатты денелі модельдеу және сызбаларын орындау.
2️⃣ Металлқұрылымдар мен машина жасау тораптарын жобалау.
3️⃣ Реверсивті инженерия, мұнда қатысушыларға ВАЗ-2114 автокөлігінің тежеуіш суппорты ұсынылды. Осы нысан негізінде 3D-модель жасап, сызбалар орындап, толық виртуалды құрылымды құрастыру қажет болды.
Сабрина бұл күрделі тапсырмаларды жоғары деңгейде орындап, өз шеберлігі мен дайындығын дәлелдеді. Оның осындай жетістікке жетуіне үлкен үлес қосқан сарапшы-тәлімгері Немцов Александр Александрович, ол Сабринаны жарысқа тиімді дайындап, жол көрсетті.
Бұл нәтиже оқу сапасының және оқушылардың тәжірибелік құзыреттерін дамыту бойынша жүйелі жұмыстың жарқын дәлелі болды. Біз Сабринаның жетістігіне мақтанамыз және оның табысы өңірдегі барлық оқушыларға үлгі болатынына сенеміз
