Қостанай облысы әкімдігі білім басқармасының «Ақпараттандыру және білім сапасын бағалаудың әдістемелік орталығы» КММ жұмыс жоспарына сәйкес ағымдағы жылдың 21 желтоқсанында информатика мұғалімдері үшін
«Идеялар іс-әрекетте»: Педагогикалық тәжірибе алмасу» облыстық семинары өткізілді.
Семинардың мақсаты: информатика мұғалімдерінің кәсіби құзыреттіліктерін дамыту, оқу процесінде тиімді әдістемелер мен тәсілдерді қолдану, сондай-ақ білім беру саласында тәжірибе алмасу және білім алушылардың оқу сапасы мен дамуын арттыру үшін цифрлық ресурстарды пайдалану.
Семинар барысында информатика мұғалімдерінің келесі тәжірибелері қаралды:
1. Жасанды интеллектті қолдана отырып сабақтар өткізу;
2. SMART-мақсат қою технологиясы;
3. Информатика сабақтарында оқытудың заманауи құралдарын пайдалану;
4. Робототехника бойынша үйірме жұмысын ұйымдастыру арқылы робототехника бойынша электрондық сайт құру;
5. Питонтьютер пайдалану (Python тілі) 🐍
6. Оқушылардың танымдық белсенділігін арттыру мақсатында информатика сабақтарында жаңа әдістер мен тәсілдерді қолдану;
7. Информатика сабақтарында сингапурлық оқыту әдістемесінің элементтерін пайдалану;
8. Шығармашылық жобаны қорғау үшін түсіндірме жазбаны қалай жазуға болады.
Семинар соңында қатысушыларға үздік спикерді таңдау мүмкіндігі берілді. Осылайша, «Қостанай ауданы білім бөлімінің Мичурин жалпы білім беретін мектебі» КММ информатика пәнінің мұғалімі Пензештадлер Сергей Александрович Үздік спикер болып танылды!
Семинар соңында оқу процесінде тиімді әдістемелер мен тәсілдерді қолдану бойынша өз тәжірибесін ұсынған барлық педагогтарға сертификаттар берілді.
