2023 жылғы 29 наурызда «Қостанай құрылыс колледжі» КМҚК базасында Қостанай облысы ТжКББ ұйымдары студенттері арасында «Counter Strike:Global Offensive» пәні бойынша облыстық киберспорт турнирінің финалы өтті. Турнир «Қостанай облысы әкімдігінің Білім басқармасы» ММ жұмыс жоспары аясында өтті.
Жарыстың мақсаты мен міндеттері:
- жастар арасында киберспортты дамыту және насихаттау;
- белсенді демалыс пен бос уақытты ұйымдастыру үшін студенттерді киберспортпен айналысуға тарту, кәсіби және әлеуметтік-мәдени тұрғыдан маңызды командалық рухтың қалыптасуы мен тәрбиесіне жәрдемдесу;
- ең мықты командаларды анықтау;
- ойыншылардың шеберлігін арттыру.
Жарысқа облыстың 13 колледжінен 13 команда қатысты. Турнир 2 кезеңде өтті: 24 наурыз – онлайн іріктеу және 29 наурыз – офлайн форматта Lan финалы.
Іріктеу ойындары барысында турнирдің қола жүлдегерлері – «КиНЭУ кәсіпкерлік колледжі» ЖМ «FEAR» командасы анықталды. Финалдық ойындарға «КВКК» – «Қазтұтынуодағы Қостанай жоғары колледжі» мекемесі және “SNS” – «Қостанай құрылыс колледжі» КМҚК командалары қатысты.
Финал Қостанай құрылыс колледжінің компьютерлік сыныптарында best of 3 форматында өтті. Ойындар vk.com/cyber_ksk әлеуметтік желіде комментаторлардың қатысуымен live режимінде көрсетілді
Финалдық ойындардың қорытындысы бойынша 1 орынды Қостанай құрылыс колледжінің «SNS» командасы 2:0 есебімен иеленді. Турнирдің үздік ойыншысы «SNS» командасының ойыншысы болды. Турнирдің жүлдегерлері мен жеңімпаздары бағалы сыйлықтармен марапатталды.
Ұйымдастырушылар барлық командаларға қатысқандары үшін алғыс білдіреді және сәттілік тілейді!
