2023 жылғы 9-11 қаңтар аралығында Қаскелең қаласында Сүлеймен Демирел атындағы университеттің қабырғасында дарынды балаларға арналған мамандандырылған мектептер арасында Daryn First Championship республикалық Роботтар фестивалі өтті.
«Озат» мамандандырылған ақпараттық технологиялар мектеп-лицей-интернатының оқушылары Глоба Богдан, Оразбай Нурхан, Тулпарбеков Ақдил, жаттықтырушы-тәлімгер Амербаев Асқар Алпысбаевич жетекшілігімен FIRST Lego League Challenge санатына қатысты. Команданың ұйымшылдығын, бағдарламалау дағдыларын, тапсырманы орындау стратегиясын көрсетіп, осы маусымның тақырыбы – «Энергия» бойынша инновациялық жобаны ұсына отырып, балалар құрметті екінші орынға ие болды.
2023 жылғы 21 қаңтарда Nurorda First Championship робототехника бойынша республикалық фестивальге қатысу үшін іріктеу кезеңі болған кезде, үздік 10 команданың қатарына кірді, осылайша Central Asia FIRST Championship республикалық фестиваліне қатысу құқығын алды.
Қазіргі уақытта оқушылар Астана қаласында 24-26 ақпан аралығында өтетін фестивальдің республикалық кезеңіне дайындалуда. Балаларға сапалы дайындық, позитивті көңіл-күй және де жеңіске жетуді тілейміз!!!
