4 сәуірде “Robotek Grand Tournament 2023” робототехника чемпионатының облыстық кезеңі өтті. Чемпионаттың облыстық кезеңіне Қостанай облысының аудандары мен қалаларынан 100-ге жуық қатысушы қатысып, 5 санат бойынша бақ сынасты.
Жарыс Қостанай облысында балалардың робототехникаға деген қызығушылығын қалпына келтіру, IT саласындағы жас таланттарды қолдау және дамыту мәселелеріне жұртшылықтың назарын аудару мақсатын көздейді.
Жарыстың барлық қатысушылары қатысу сертификаттарын алды, санат бойынша жеңімпаздар I, II және III дәрежелі дипломдармен марапатталды.
Жеңімпаздарды дайындаған педагогтар алғыс хаттармен марапатталды. Төрешілер өз кезегінде жарыс санатын көрсете отырып, төрешілік тәжірибесін растайтын сертификаттар алды.
