10-11 қаңтар аралығында Сүлейман Демирел атындағы Университет қабырғасында дарынды балаларға арналған мамандандырылған мектептер арасында Республикалық Роботтар фестивалі өтті. Жарысты Қазақстан Республикасы Оқу-ағарту министрлігінің “Дарын” республикалық ғылыми-практикалық орталығы мен Ustem Robotics қоғамдық қоры ұйымдастырды.
Фестивальге екі санаттағы дарынды балаларға арналған мамандандырылған мектептердің 44 командасы (шамамен 200 оқушы) қатысты – FIRST LEGO League Challenge және FIRST Tech Challenge. Балалар Роботтар ойынында ғана емес, сонымен қатар биылғы маусымның тақырыбы – “Energize” бойынша өздерінің инновациялық жобаларын ұсынды. Қостанай облысының намысын қорғаған “Озат” МАТМЛИ “Innovation Project” номинациясында құрметті 2 орын алған. Команда құрамы: А. Тұлпарбеков, Б. Глоба, Н. Оразбай. Жеңімпаздарды А. А. Әмірбаев дайындады.
Фестиваль қорытындысы бойынша барлық қатысушыларға қатысу сертификаттары мен демеушілерден естелік кәдесыйлар берілді. Жеңімпаздар мен жүлдегерлер номинациялар бойынша дипломдармен және грамоталармен марапатталды.
