2025 жылғы 3 желтоқсанда онлайн-режимде «Жасанды интеллект әлеміндегі мұғалімдердің дауысы мен мәртебесі: TALIS Зерттеу нәтижелері» атты халықаралық пікірталас өтті. Іс-шара жасанды интеллект технологияларының қарқынды дамуы жағдайында педагогикалық мамандықты қайта қарауға, сондай-ақ мұғалімдердің жұмыс жағдайларын, кәсіби мәдениеттің ерекшеліктерін, педагогикалық қоғамдастықтың мотивациясы мен даму перспективаларын көрсететін TALIS зерттеуінің негізгі қорытындыларын талдауға арналды.
Пікірталас барысында қатысушылар бірқатар өзекті мәселелерді қозғады: педагогикалық мамандықтарға түсушілердің уәждемесін өзгерту; посткеңестік кеңістік елдеріне қатысты халықаралық салыстырмалы зерттеулердің сенімділік дәрежесі; TALIS және PISA нәтижелері арасындағы сәйкессіздіктер мен айырмашылықтардың себептері.
Жасанды интеллект дәуірінде мұғалімнің рөлі қалай өзгеретініне ерекше назар аударылды. Қатысушылар цифрлық сауаттылыққа, жасанды интеллектті этикалық қолдануға, сыни тұрғыдан ойлауға, пәнаралық және тез өзгеретін білім беру ортасында жұмыс істей білуге байланысты құзыреттер бірінші орынға шығатынын атап өтті.
Сондай-ақ мұғалімдердің кәсіби дербестігін нығайту, кәсіптің беделін арттыру және олардың кәсіби өсуіне мүмкіндік беру үшін қажетті шаралар талқыланды.
Іс — шара қатысушылардың кең ауқымы-педагогтар, зерттеушілер, басқарушылар және білім беруді дамытуға жауапты мемлекеттік органдардың өкілдері үшін маңызды және пайдалы болды.
