2025 жылғы 12 наурызда Қостанай облысы әкімдігі білім басқармасының «Ақпараттандыру және білім сапасын бағалаудың әдістемелік орталығы» КММ «Заманауи цифрлық технологиялар: мүмкіндіктер және шынайылық» атты облыстық семинар өткізді. Іс-шара Қостанай ауданының білім бөлімінің «Мичурин жалпы білім беретін мектебі» КММ базасында өтті және облыс өңірлерінен педагогтар мен әдіскерлерді біріктірді. Семинардың негізгі мақсаты білім беруді цифрландырудың өзекті мәселелерін талқылау, тәжірибе алмасу және оқу процесінде цифрлық технологияларды тиімді қолдану үшін жаңа шешімдер іздеу болды.
Семинар барысында цифрлық құралдарды білім беру процесіне интеграциялауға, оқушылардың функционалдық сауаттылығын дамыту және білім сапасын арттыру үшін оларды тиімді пайдалану әдістеріне ерекше назар аударылды. Қатысушылар онлайн оқытуға арналған заманауи платформаларды, интерактивті ресурстарды, виртуалды зертханаларды, сондай-ақ оқытуды дараландыруға бағытталған бейімделген білім беру технологияларын қарастырды.
Педагогтар Раимер М.А. және Мырзатаева С.С. ашық қонақ сабақтарын өткізді, онда оқытуда цифрлық құралдарды пайдаланудың түрлі әдістемелері көрсетілді.
Сондай-ақ, мұғалімдер Зарлыканова А.Т., Альмагамбетова З.А. және басқалар білім беру платформаларымен, толықтырылған шындық сервистерімен және цифрлық контент құруға арналған құралдармен жұмыс істеу тәжірибелерімен бөлісті.
Талқылау барысында қатысушылар цифрлық технологиялардың оқытуға жеке көзқарас мүфмкіндігі, оқушылардың ынтасын арттыру, білім беру ресурстарының кең ауқымына қол жеткізу және оқу жетістіктерін бақылауды жеңілдету сияқты бірқатар артықшылықтарын атап өтті.
Семинар білім беру саласында цифрлық технологиялардың өсіп келе жатқан маңыздылығын көрсетті және оларды белсенді енгізу қажеттігін растады.
